Vetëvendosje kundër pushtetit të vetëkënaqur!

Lideri i Lëvizjes Vetëvendosje, Albin Kurti, u ka bërë thirrje
aktivistëve të partisë së tij të angazhohen më shumë për të organizuar
dhe bashkuar qytetarët e pakënaqur kundër pushtetit të vetëkënaqur.Kurti
i ka bërë këto komente në mbledhjen e degëve të Vetëvendosjes në
Rahovec, ku u zgjodhën kryesia e Qendrës si dhe delegatët për në
Këshillin e përgjithshëm të Lëvizjes.
Kurti i cilësoi zgjedhjet e brendshme e demokratike në Lëvizjen
Vetëvendosje si proces tejet të rëndësishëm. Ai theksoi se statuti i
Vetëvendosjes nuk i kufizon aktivistët e Lëvizjes përbrenda kornizave të
demokracisë përfaqësuese, por siç tha ai duke kthyer çdo çështje
madhore nëpërmjet demokracisë së drejtpërdrejt te anëtarësia e gjerë nga
e cila rrjedh legjitimiteti japim shembull se si funksionon demokracia.
/Telegrafi/