SHBA-të fuqimisht përkrahin dialogun Prishtinë-Beograd

Ambasadorja e SHBA-ve në Beograd, Mary Warlick ka thënë se Washingtoni e përkrahë fuqimisht dialogun midis Beogradit dhe Prishtinës është shumë i rëndësishëm dhe se muajve të ardhshëm pritet të ketë përparim të madh.
Në një intervistë për gazetën beogradase Politika, Warlick ka thënë se për SHBA-të çështja e statusit dhe të kufijve të Kosovës është zgjidhur.
“Mbi 70 shtete e kanë njohur pavarësinë e Kosovës, ndërsa opinioni i Gjykatës Ndërkombëtare të Drejtësisë ka qenë shumë i qartë rreth kësaj çështjeje”, ka thënë Warlick.
Ambasadorja amerikane ka potencuar se Washingtoni është fokusuar rreth asaj sesi të punojë në mënyrë konstruktive në marrëdhëniet e Serbisë dhe Kosovës.
Warlick e ka porositur Beogradin se është i rëndësishëm progresi i vazhdueshëm në bashkëpunimin me fqinjët për të gjitha çështjet e hapura.
“Natyrisht njohim interesat speciale dhe marrëdhëniet speciale ndërmjet Serbisë dhe serbëve që jetojnë në Kosovë, si dhe interesat për manastiret dhe trashëgiminë kulturore. Mbështesim marrëdhëniet proaktive dhe konstruktive të popullit të Serbisë dhe të gjithë popujve të Kosovë, por po e përsëris, jo në kontekstin e rishqyrtimit të çështjes së statusit dhe integritetit territorial”, është shprehur ambasadorja amerikane.
Lidhur me lotimin e SHBA-ve kundër kërkesës së Serbisë që të formohet një organ i veçantë i OKB që do të hetonte pretendimet për trafikim me organe në Kosovë, ambasadorja Warlick ka thënë se Washingtoni zyrtar angazhohen që këto dyshime plotësisht të hetohen dhe se EULEX-i absolutisht është organ i aftë për një hetim të tillë. /Telegrafi/