Rasti “Kleçka”, të akuzuarve u zgjatet paraburgimi

Gjykata e Qarkut në Prishtinë u ka zgjatur për një muaj
paraburgimin pesë të akuzuarve për rastin Kleçka, ndërsa për tre të
tjerë vazhdohet masa e arrestit shtëpiak. Vendimi u është kumtuar sot palëve mbrojtëse dhe është konfirmuar për radion Evropa e Lirë nga avokati Bajram Tmava.
Zgjatja e paraburgimit, pasoi kërkesën e prokurorit të EULEX-it,
Muarizio Salustro i cili kërkoi jo 1 por 2 muaj tjerë paraburgim për të
pandehurit.
Ndërkohë, për të akuzuarit e tjerë të cilët gjenden në arrest shtëpiak, është kërkuar vazhdimi i kësaj mase.
Rasti Kleçka përfshinë edhe dyshimet dhe akuzat ndaj deputetit Fatmir
Limaj për krime lufte, por ndaj tij gjykata nuk mund të shqiptoj masa
të tilla përderisa atë e mbron mandati dhe imuniteti i deputetet.
/Telegrafi/