Tadic: Disa shtete do të insistojnë ta njohim Kosovën

Presidenti i Serbisë, Boris Tadic, tha të mërkurën se Kosova nuk
është parakusht për hyrjen e Serbisë në Bashkimin Evropian, por ka
theksuar se nuk ka dilema se disa shtete do të insistojnë që Serbia ta
zgjidhë këtë çështje para se të hyjë në BE.“Kosova nuk është
parakusht për integrime evropiane të Serbisë, por nuk duhet përhapur
iluzionin se kjo nuk është problem në integrimet evropiane”, tha Tadic
para gazetarëve në Beograd.
Duke u shprehur për dialogun me Prishtinën, Tadic, tha se Beogradi
është shumë konstruktiv në këto bisedime. “Ne para se gjithash
dëshirojmë ta zgjidhim konfliktin dhe të gjejmë zgjidhje teknike për
problemet e qytetarëve në Kosovë, pa marrë parasysh kombësinë, përfshirë
transportin e mallrave dhe shërbimeve, bile edhe pjesëmarrjen e
shqiptarëve në forumet rajonale”. /Telegrafi