Fillon trajnimi për Ndërmjetës në Prishtinë

Zëvendëskryeministri, njëherësh ministër i Drejtësisë, Hajredin
Kuçi me rastin e hapjes së trajnimit për ndërmjetës në rajonin e
Prishtinës, përmendi rëndësinë e shumëfishtë të Ndërmjetësimit, si
mekanizëm jo vetëm për të ndihmuar sistemin gjyqësor në uljen e numrit
të rasteve pranë gjykatave, por edhe për ta plotësuar atë në shumë
aspekte.Kuçi, theksoi rëndësinë e institucionit të
Ndërmjetësimit, si institucion i ri në Republikën e Kosovës, i cili
gëzon mbështetjen e plotë të Ministrisë së Drejtësisë, në kuadër të së
cilës është themeluar, por edhe përkrahjen e programeve të ndryshme siç
janë ato të USAID-it, UNDP-së, Projektit të Binjakëzimit, dhe
organizatës CSSP. /Telegrafi/