“Vetëvendosje”, më 10 qershor demonstratë në Prizren

Aktivistë të lëvizjes “Vetëvendosje”, kanë bërë të ditur se më datën 10 qershor, me rastin e 132 vjetorit të Lidhjes Shqiptare të Prizrenit, do të organizojnë demonstratë në sheshin Shatërvan në Prizren.
Motoja e kësaj demonstrate, sipas aktivistit Glauk Konjufca, do të jetë “Kundërshtimi i vendimit të gjykatës kushtetuese për ndryshimin e emblemës së qytetit të Prizrenit”.

Konjufca, në një konferencë për media, të mërkurën ka thënë se është përpiluar një ofertë shoqërore të cilën, deri në datën e mbajtjes së protestës, do t’ia dorëzojnë partive politike dhe organizatave tjera për të marrë mbështetje për protestën që do ta organizojnë.

Aktivisti Konjufca ka thënë se do t’i ftojnë edhe veteranët e luftës, me gjithë “mosmarrëveshjet” që ata i kanë pasur kohëve të fundit me organizimin e protestës në Mitrovicë