Krasniqi, Hysenit: “E keni pas bo fet ju”

Ish ministri i Punëve të Jashtme, Skënder Hyseni të enjten në seancën plenare kritikoi mënyrën e dërgimit të telegramit të urimit, drejtuar sekretarit të përgjithshëm Ban Ki-moon, që sipas Hysenit është dërguar nga disa institucione në vend.

Hyseni tha se dërgimi i telegramit të urimit nga kryeministri i vendit Hashim Thaçi është në rregull, si shef i Qeverisë së Kosovës, mirëpo kjo sipas tij do të duhej të mbyllej me kaq.

Sipas deputetit Hyseni, dërgimi i telegramit të urimit edhe nga zëvendësjkreyministri Behgjet Pacolli, ministri i Jashtëm, Enver Hoxhaj, kryetari i Parlamentit, Jakup Krasniqi ka qenë tejet e panevojshme.

Kjo sipas Hysenit, tregon një jo koordinim ndërmjet institucioneve të vendit.

Mirëpo, si duket kjo nuk i pëlqeu fare kryeparlamentarit Krasniqi, i cili edhe pse kritikon shpesh deputetët për fjalorin e përdorur në Kuvend, ai iu drejtua Hysenit me fjalinë “Se ju e keni pas bo fet.....”. /Telegrafi/