Topi vlerëson idenë për hapësirën mbarëkombëtare të zhvillimit

Presidenti i Shqipërisë, Bamir Topi ka vlerësuar idenë për hapësirën mbarëkombëtare të zhvillimit.Në
njoftimin e Zyrës së zëvendëskryeministrit Pacolli thuhet se presidenti
i Shqipërisë ka vlerësuar angazhimin e Pacollit për jetësimin e idesë
për hapësirën mbarëkombëtare të zhvillimit.
Pacolli dhe zëvendëskryeministrja, Mimoza Kusari-Lila, kanë takuar në
Tiranë, presidentin e Shqipërisë, Bamir Topi. Pacolli, në cilësinë e
kryetarit të Lëvizjes për Hapësirë Mbarëkombëtare të Zhvillimit, i
shoqëruar nga autoritete akademike, i ka shpjeguar presidentit Topi,
idenë e tij për integrimin ekonomik të shqiptarëve.
Pacolli, po ashtu e njohu presidentin shqiptar, me iniciativat e
ardhshme në kuadër të Lëvizjes për Hapësirë Mbarëkombëtare të
Zhvillimit.
Topi kërkoi që në këto iniciativa të fuqizohet ideja e ndërtimit të
korridorit të tetë, si një korridor që shton rëndësinë e shqiptarëve në
rajon. /Telegrafi/