Pribicevic: Evropa nuk e do edhe një Qipro

Shkrimet e ditores gjermane “Handelsblatt” se kancelarlja Angela Merkel mund të shtoj presionin në Beograd që të rinisë dialogun me Prishtinë dhe që në një afat të caktuar Serbia ta pranoj Kosovën, për ish-ambasadorin serb në Berlin, Ognjen Pribicevic, janë “vetëm një interpretim”.

“Askund as direkt e as indirekt hyrja e Serbisë në BE nuk kushtëzohet me pranimin e Kosovën. Sidomos kur hyrja nuk do të jetë aktuale edhe për disa vite. Por, të njëjtën kohë Serbisë, jo vetëm nga Berlini, i është thënë se nuk mund të llogarisë të anëtarësohet në BE nëse nuk i normalizon raportet me Prishtinën. Duke nxjerrë mësime nga Qipro, BE nuk e do një rast të tillë në anëtarësinë e vet”, ka thënë Pribicevic për “Blic”.