Pacollit nuk i dalin të sakta parashikimet

Zëvendëskryeministri Behgjet Pacolli në mbledhjen e fundit të ekzekutivit të mbajtur të enjten e shkuar pati thënë se është çështje orësh njohja e Kosovës nga shteti i Gabonit.

Pacolli pat premtuar po ashtu se javën që po hyjmë do të vijë edhe njohja nga Nigeria.

Por, mosardhja e njohjes nga Gaboni e ka shtyrë zëvendëskryeministrin Pacolli që të dielën të heqë dorë nga datat se kur do të mund të vijë njohja e premtuar.

“Njohja nga Gaboni do të vijë”, ka thënë ai për “Koha Ditore”, për të shtuar se zhvillimet e fundit në Nigeri mund ta ngadalësojnë njohjen e premtuar edhe nga ky vend për Kosovën.

Deri tani shteti i Kosovës është njohur nga 81 vende të ndryshme të botës. /Telegrafi/