Klemente: E di formulën se si të fitoj barcelonën

Trajneri i Valjadolidit, Havier Klemente është i sigurtë se e din formulën e vërtetë për të mundur Barcelonën. Skuadra e tij të dielën në “Kamp Nou” do të zhvilloj ndeshjen e fundit për këtë sezon, ndeshje kjo e cila vendos rreth titullit kampion dhe mbijetesës në elitën e futbollit spanjoll.
“E di se si të fitoj Barcelonën” – kategorik ishte 60-të vjeçari Klemente në një intervistë për “Marca”.
“Nuk më bën përshtypje ajo se unë jam shpresa e fundit për të gjithë “madrilenët”. Ne do të luajmë për nder të Valjadolidit” – tha trajneri i skuadrës nga Kastiljo dhe Leon.
“Barcelona është skuadra më e mirë në botë. Ata janë shumë të mirë, por në çdo ndeshje duhet të luhet për të fituar” - përfundoi ish trajneri i kombëtares spanjolle, Havier Klemente