Përkujtohet akademik Musa Haxhiu

“Doajeni i shkencës së mjekësisë kosovare”, u quajt akademiku Musa Haxhiu gjatë akademisë përkujtimore kushtuar punës dhe veprës së tij. Ministri i Shëndetësisë, Ferid Agani ka thënë se asnjëherë më shumë se sot mjekësisë në vend nuk i duhet përkujtimi i doajenëve siç është akademik Haxhiu. ”Shëndetësia Kosovare është duke u përpjekur me vështirësi të veçanta dhe asnjëherë më shumë, nuk i duhet përkujtimi i veprës dhe punës së doajenve të mjekësisë kosovare siç është profesor Musa Haxhiu”. Ndërkaq Naim Haliti, u.d. i dekanit të fakultetit të Mjeksisë, ka thënë se akademik Haxhiu një jetë të tërë ia kushtoi shkencës dhe hulumtimit shkencor. Me këtë rast, para fakultetit të Mjeksisë u bë edhe zbulimi i bustit të Musa Haxhiut. U.d i drejtorit Ekzekutiv të QKUK-ës, Lulzim Emini, ka thënë se ky bust do të tregojë që ne të kaluarën, në këtë vend ka pasur shkencëtarë të mëdhenj, në të tashmen ka njerëz të cilët dinë të çmojnë shkencën dhe kulturën si dhe në të ardhmen do të ketë gjithmonë breza që do të dinë të respektojnë atë që kanë arritur nivele të larta të shkencës dhe arsimit