Simic: Propozimi serb – “blerje e terrenit”!

Politologu serb, Predrag Simic, ka thënë se propozimi serb për pikat në Bërnjak dhe Jarinje mund të jetë “blerje e terrenit” në dialogun për kalimet kufitare.

Sipas tij, Serbia me këtë propozim dëshiron të provokojë reagimin e EULEX-it.

“Kështu, mbi të gjitha shqiptarëve po edhe EULEX-it, u lihet që të përgjigjen në atë propozim dhe në këtë mënyrë të vihet deri te propozimet formale dhe kundërpropozimet që do të ishin temë e bisedimeve pa rreziqe dhe eskalime”, ka thënë Simic për Beta.

Sipas tij, dihet qëndrimi i zyrtarëve të Kosovës, pra se nuk do të bisedohet për pikat kufitare.

“Prandaj në këtë moment duhet pritur mesazhet nga Brukseli, përkatësisht BE, që do të ishin meritore për Beogradin”. /Telegrafi/