Naoto Kan zgjidhet kryeministër i ri i Japonisë

Kryetari i sapozgjedhur i Partisë Demokratike japoneze, Naozo Kan të premten është zgjedhur kryeministër i ri i Japonisë.
Në kabinetin paraprak të Yukio Hatajama, i cili dha dorëheqje, 63-vjeçari Naoto Kan ishte zëvendëskryeministër dhe ministër i Financave.

Kandidaturën e Kanit e ka përkrahur shumica në Dhomën përfaqësuese të Parlamentit japonez, i cili sipas Kushtetutës japoneze ka rol vendimtar.

Mbetet që kandidaturën ta konfirmojë edhe Dhoma e Sipërme -Dhoma e këshilltarëve, që do të jetë vetëm protokollare dhe nuk do të ndikojë mbi përzgjedhjen në Dhomën e Poshtme. /mia/