BE mbështet aksionin për heqjen e barrikadave në veri

Bashkimi Evropian e dënon fuqishëm dhunën ndaj pjesëtarëve të bashkësisë ndërkombëtare në pjesën veriore të Kosovës dhe u bënë thirrje të gjithëve për sjellje me përgjegjësi dhe përmbajtje.

Kështu ka deklaruar të martën në Bruksel, Maja Kocijancic, zëdhënëse e shefes për Politikë të Jashtme dhe Siguri e Bashkimit Evropian, Catherine Ashton.

“Bashkimi Evropian plotësisht i mbështet përpjekjet e KFOR-it dhe EULEX-it, për ta qetësuar situatën dhe po ashtu e mbështet heqjen e barrikadave”, ka thënë Kocijancic. Ajo ka thënë se barrikadat e kufizojnë lirinë e lëvizjes dhe duhet të hiqen. /Telegrafi/