Aritmetika

Aritmetika ( gr. αριθμός, arithmos = numër) është dega
më e vjetër dhe më e thjeshtë e matematikes
dhe përdoret gjerësisht në jetën e përditshme për qëllime nga më të
thjeshtat, numërimin, gjer në më të përparuarat, si njehsimet në
studimet kërkuese dhe në tregti. Emërtimi lidhet me atë degë të
matematikës që studion vetitë themelore të disa veprimeve me numrat
veçanërisht me Numrat e plote. Matematikanët nganjëherë e përdorin emërtimin
aritmetikë për të treguar teorine e numrave e cila nuk duhet ngatërruar me
aritmetikën elementare.
Aritmetika në arsimimin shkollor është lëndë mësimore mbi
numrat dhe lidhjet e tyre ndërmjet veti. Para së gjithash, aritmetika
merret me veprimet themelore llogaritëse si dhe fuqizimin dhe
llogaritjen e fuqisë së numrave.