Adata N005: tri herë më i shpejtë se USB2 stick

Deri më tani standardi USB3 kryesisht mund të gjendej në hard disqet e jashtme dhe shtëpizat për ta, ndërsa USB stickët, edhe pse të paralajmëruar madje që në fillim të vitit, munguan. Situata më në fund po ndryshon në favor të teknologjisë USB3, kështu që Adata tani u bashkohet prodhuesve të cilët kanë prezentuar USB stickët. N005 i Adata është një "bar" model klasik në shtëpizë alumini, dhe sigurisht falë gjeneratës më të re të çipave memorikë Flash vjen me kapacitet 16, 32 dhe 64 GB. Lidhja USB3 mundëson transfer mesatar me shpejtësi 85 MB/s, që është rreth tre herë më shpejt se USB2, sipas matjeve të Adata. Nga sajti i Adata mund të merret softveri gratis UFDtoGO dhe OStoGO, për organizim më të lehtë të përmbajtjeve në stick. Çmimi tani për tani nuk dihet.
Problemi i vetëm është që akoma nuk ka shtëpiza me lidhje USB3, dhe as kabllo vazhduese USB3, kështu që e vetmja mënyrë e lidhjes është USB slloti në pjesën e pasme të shtëpizave.