Gaddafi: Gjakderdhje, nëse ndërhyn SHBA

Tripoli, 2 mars - Lideri libian, Muammar Gaddafi, është rishfaqur në publik, i rrethuar mbështetësit e tij. Gjatë fjalimit të mbajtur, ai ka deklaruar se “e ardhmja e Libisë është në duart e popullit libian”.
Gaddafi kërcënoi se mijëra libianë do të vdesin nëse SHBA apo NATO vendosin për intervenim ushtarak në vendin e tij, transmetojnë agjencitë.
Dëshmitarët nga vendi i ngjarjes pohojnë se aeroplanët luftarakë kanë sulmuar qytetin e Axhabijas në lindje të vendit, që kontrollohet nga forcat kundër Gaddafit.
Forcat anti-Gadafi kontrollojnë pjesën më të madhe të pjesës lindore të vendit, derisa Gaddafi mbetet i pozicionuar në Tripoli dhe po kundërsulmon.
Ndërkohë sekretari i përgjithshëm i Lidhjes Arabe, Amr Mussa, e ka cilësuar si tragjike situatën në vend.
“Nuk duhet ta pranojmë dhe duhet të mbështesim popullin libian që po vuan shumë në rrugën e tij drejt lirisë”, theksoi ai.