Me hyrjen në institucione, serbët fituan shumë

Raportuesi i Parlamentit Evropian për Serbinë, Jelko Kacin, ka thënë se ajo që është më e rëndësishme, por ende nuk është e pranishme në shoqërinë serbe, është se serbët në numër të madh dolën në zgjedhjet në Kosovë.
Eurodeputeti slloven ka theksuar përparësitë që serbët kanë tani me hyrjen në institucionet e Kosovës.

“Prandaj e kanë një nënkryetar të Kuvendin e Kosovës, anëtarin fatkeq të Parlamentit ndaj të cilit pati një tentim atentati; kanë 13 anëtarë të Kuvendit. Partia e Pavarur Liberale e Kosovës ka tre ministra. Njëri nga ata ministra është edhe zëvendëskryeministër i Qeverisë së Kosovës”, ka thënë Kacin në një intervistë për Radion Evropa e Lirë.

Sipas tij, pjesë e dialogut ndërmjet Beogradit dhe Prishtinës janë edhe serbët e Kosovës, duke e vlerësuar këtë si ndryshim jashtëzakonisht cilësor.

Ai ka thënë se doli se atentati ndaj Petar Mileticit ishte një bumerang i vërtetë, që ka inkurajuar serbët të dalin në zgjedhje dhe të marrin përgjegjësinë për të ardhmen e tyre në Kosovë dhe të hynë në institucionet e Kosovës.

“Ky është ai ndryshimi më i madh, të cilin mbase ministri i Punëve të Jashtme, Vuk Jeremic ende nuk e ka vërejtur”, është shprehur Kacin.

Lidhur me Jeremicin, Kacin ka thënë se ka kohë që nuk dëshiron të komentojë deklaratat e tij.

“Qëmoti kam vendosur që s’ka kurrfarë kuptimi të komentohen deklaratat e ministrit të Jashtëm serb dhe në njëfarë dore të bëhet reklamë falas të”, ka thënë eurodeputeti slloven. /Telegrafi/