Çekia mbështet Kosovën në procesin e integrimit

Ministri i Punëve të Brendshme, Bajram Rexhepi u takua me
ambasadorin e Çekisë në Kosovë, Jiri Dolezel. Marrëveshja për ripranim
me këtë shtet pritet të nënshkruhet gjatë muajit qershor.Në
njoftimin për media bëhet e ditur se ministri Rexhepi shpalosi
prioritetet e MPB-së, të cilat dalin nga programi qeveritar dhe agjenda
evropiane, me theks të veçantë në forcimin e rendit dhe ligjit në vend
dhe liberalizimin e vizave me BE-në.
Po ashtu është diskutuar për gjendjen e sigurisë në Kosovë dhe
mundësitë e bashkëpunimit në mes të Kosovës dhe Çekisë në fushën e
sigurisë.

Rexhepi falënderoi Qeverinë e Çekisë për përkrahjen e dhënë shtetit
të Kosovës për kontributin e madh në njohjen dhe konsolidimin e shtetit
të Kosovës dhe tani në procesin liberalizimit të vizave.
Ndërsa, ambasadori Dolezel shprehu gatishmërinë e Qeverisë së Çekisë
në përkrahjen e mëtejme të Qeverisë së Republikës së Kosovës në procesin
e integrimit evropian dhe liberalizimin e vizave dhe në fushat tjera.
/Telegrafi/