Asnjë dënim për mos respektim të Ligjit për duhanin

Inspektorati për ushqim dhe veterinari deri më tani nuk ka
shqiptuar asnjë dënim për dyqane dhe institucione të tjera që nuk e
respektojnë Ligjin për duhanin. Kështu u tha gjatë një konference të mbajtur për media me rastin e 31 majit, Ditës botërore kundër duhanit.
Drejtoresha e Inspektoratit për ushqim dhe veterinari nga Zyra e
Kryeministrit, Iliriana Zymberaj tha se nuk ka shqiptuar asnjë dënim për
askënd sepse sipas saj nga janari i këtij viti, inspektorët më shumë
janë marrë me vetëdijesimin e popullatës për mos konsumim të duhanit në
hapësira të mbyllura.
Ndërkaq, zëvendësministri i Shëndetësisë, Kadër Hyseini pohoi se nuk ka inspektor të mjaftueshëm për ta kryer punën si duhet.
Ndryshe, Inspektorati sanitar ka vetëm 70 inspektor që punojnë në teren. /Telegrafi/