Kosova e paftuar në Konferencën e Ohrit

Kosova nuk është e ftuar të dielën në Konferencën rajonale dyditore të njësiteve për kontroll të brendshëm të Ministrive të Punëve të Brendshme të vendeve të Ballkanit Perëndimor.

Konferenca e organizuar nga MPB e Maqedonisë, Misioni i OSBE-së dhe Programi ICITAP pranë ambasadës amerikane në Shkup, ka përjashtuar Ministrinë e Brendshme të Kosovës nga lista e pjesëmarrësve.

Siç njofton INA, nga MPB e Maqedonisë nuk kanë bërë të ditur arsyet e këtij anashkalimi, ndërsa një gjë të tillë kanë bërë edhe OSBE dhe programi ICITAP.

Konferenca i dedikohet metodologjive për dëshmim të korrupsionit dhe bashkëpunimit të shërbimeve për kontroll të brendshëm nga rajoni për parandalimin e saj, ndërsa në konferencë po marrin pjesë përfaqësues nga Shqipëria, Bosnja e Hercegovina, Bullgaria, Rumania, Serbia, Sllovenia, Turqia, Kroacia dhe Mali i Zi. /Telegrafi/