Konuzini bërtet, Schwarzenberg fle

Shefi i diplomacisë çeke, Karel Schwarzenberg, ka fjetur gjatë konferencës për siguri në Ballkan, të mbajtur para dy ditësh në Beograd, shkruajnë mediat çeke.

Ditorja “MF” shkruan se Schwarzenberg fle shpesh në takime të tilla, e edhe në seancat e parlamentit çek.
“Kur ka shumë njerëz në hapësirë, dhe zvogëlohet niveli i oksigjenit, drita e fortë më detyron t’i mbylli sytë, ndaj nuk mund të rezistoj”, ka thënë Schwarzenberg në një rast.

“Kam kujdes të mos lëshoj diçka të rëndësishme”, ka shtuar ai. “Fatkeqësisht, kjo nuk funksionon gjithnjë”.

Në takimin e Beogradit - kur ka fjetur Schwarzenberg - ambasadori rus në Serbi, Aleksandar Konuzin, ka thënë se Serbia është mirë të kaloj në anën e Moskës, ndërsa ka kritikuar pjesëmarrësit serbë të forumit duke thënë se ata nuk i mbrojnë interesat e vendit të tyre në Kosovë. /Telegrafi/