Djersitja tek foshnjat

Disa foshnja djersitin më shumë gjatë pjesës më të thellë të ciklit të gjumit, gjatë natës.

Për shkak se foshnjat shpenzojnë më shumë kohë në këtë fazë të thellë të gjumit, ato kanë më shumë gjasa për t`u djersitur gjatë natës se sa të rriturit, ose se sa fëmijët më të mëdhenj në moshë.

Përderisa djersitja është shumë e zakonshme, djersitja e tepërt do të mund të thotë se diçka nuk është në rregull. Djersitja e tepërt mund të jetë një shenjë e sëmundjeve të lindura të zemrës, për shembull, si dhe infeksioneve të ndryshme dhe Apnea-s së gjumit. (Sepse foshnja mundohet me aq shumë vështirësi gjatë frymëmarrjes, ai/ajo zgjohet i djersitur).

Mbinxehja është një faktor rreziku për sindromin e vdekjes së papritur të miturve (SIDS – sudden infant death syndrome). Dhoma ku fle foshnja juaj duhet të jetë e ngrohtë – rreth 16 deri më 21 gradë Celsius – dhe jo e nxehtë.

Veshni foshnjen tuaj në disa shtresa veshjesh, në mënyrë që të jetë komforte gjatë fjetjes edhe pa e mbuluar.

Dhe mbani në mend rregullën, nëse ju keni shumë të nxehtë, me siguri që edhe foshnja juaj do ta ketë.

Nëse e mbani shtëpinë tuaj të freskët, dhe foshnja juaj pavarësisht se e keni veshur hollë, prapë djersitet, atëherë është koha ta vizitoni mjekun për t`u konsultuar./bebaime/