Sahatqija këshilltare e presidentit Sejdiu

Presidenti i Republikës së Kosovës, Fatmir Sejdiu emëroi të hënën dy këshilltarë të rinj. Këshilltare politike për shoqëri civile e presidentit Sejdiu është emëruar liderja e ORA-s, partisë tashmë të shkrirë në LDK, Teuta Sahatqija.
“Në përputhje me Kreun V të Kushtetutës së Republikës së Kosovës dhe nenin 14, paragrafi 4 të Ligjit Nr. 03/L-094 për Presidentin e Republikës së Kosovës, Presidenti Sejdiu emëroi zonjën Teuta Sahatqija këshilltare politike për shoqëri civile”, thuhet në një komunikatë të Presidencës.

Po kështu, presidenti Sejdiun emëroi edhe Ismajl Bytyqin këshilltar të jashtëm politik për çështje të afarizmit biznesor.