Shqipëri: Protesta, bllokohen akset kryesore

Shqipëri: Protesta, bllokohen akset kryesore

Protestat e socialistëve janë shtrirë të martën në të gjithë Shqipërinë, shoqëruar me bllokimin e akseve kryesore ne shume qytete. Bllokimi i rrugëve ka ardhur në shenjë solidarizimi dhe mbështetje për grevën e urisë së deputeteve të PS dhe mbështetësve të tyre, prej 11 ditësh në çadrat para kryeministrisë.
Pas protestave ka reaguar policia e Shtetit, e cila ka deklaruar se pengimi i qarkullimit të mjeteve të transportit përbën vepër penale dhe sipas Kodit Penal dënohet me gjobë ose me burgim gjer në 3 vjet.

"Nga strukturat e Policisë së Shtetit po punohet për identifikimin dhe shoqërimin e organizatorëve të këtyre veprimeve të paligjshme në të gjitha qarqet e sipërcituara dhe materialet procedurale për çdo rast do t'i referohen Prokurorisë për veprën penale "pengim i qarkullimit të mjeteve të transportit", thuhet në njoftimin e policisë.

Ja rrugët e bllokuara:

- Në Shkodër, në Krye Bushat në aksin rrugor Shkodër-Lezhë,
- Në Tiranë, në Rrugën e Elbasanit tek Ura e Farkës,
- Në Gjirokastër, në aksin rrugor Tepelenë-Gjirokastër,
- Në Durrës, në autostradën Durrës-Tiranë, në Shkozet,
- Në Vlorë, në hyrje të qytetit të Vlorës,
- Në Fier, në rrethrrotullimin e Kolonjës, në autostradën Fier-Lushnjë,
- Në Lezhë, tek kryqëzimi i Patokut, në aksin rrugor Lezhë-Laç,
- Në Berat, tek kthesa e Poshnjës, në aksin rrugor Berat-Lushnjë. /shekulli/