iOS 4.2 gjatë nëntorit

Gjatë këtij muaji përdoruesve do të duhej t’u ofrohej versioni i ri i sistemit operativ iOS, tani edhe për pronarët e pajisjes iPad.
Këto ditë Apple ka filluar t’u shpërndajë programuesve versionin Golden Master të iOS 4.2, i cili përdoruesve do të duhej t’u ofrohet para fundit të këtij muaji.

Ky version i iOS është i dedikuar edhe për përdoruesit e iPad, të cilët do të marrin edhe mundësinë për të ekzekutuar më shumë aplikacione njëherësh (multi-task), organizimit të aplikacioneve në harta dhe funksionalitete tjera të iOS 4.x, i cili qysh më herët është i pranishëm në pajisjet e popullarizuara iPhone e iPod Touch.

Në mesin e risive të këtij versioni të sistemit operativ theksohet edhe mundësia e kërkimit të faqeve të internetit nga shfletuesi Safari, mbështetja për shtypjen pa tela të dokumenteve (AirPrint) si dhe mundësia streaming e multimedias - AirPlay.