Shpallet tenderi për pasaporta biometrike

Ministria e Punëve të Brendshme ka shpallur me procedurë të hapur tenderin për furnizim me pasaporta elektronike. Njoftimi për kontratë për këtë furnizim është publikuar të premten në shtypin ditor, në mjetet elektronike, si dhe në faqen zyrtare të Ministrisë së Punëve të Brendshme.
Procesi tenderues do të zhvillohet me dy faza. Faza e parë do të jetë procedurë e kufizuar parakualifikuese, dhe, faza e dytë, kur do të konkurrojnë vetëm ato kompani të cilat kualifikohen, dhe me këtë rast përzgjidhet fituesi. Procedura e tenderimit do të zgjasë deri në 3 muaj.

Ministria e Punëve të Brendshme do të sigurohet që i tërë procesi të jetë transparent dhe në përputhje me dispozitat ligjore në fuqi, njoftoi Zyra për Komunikim Publik e kësaj ministrie.