Sulm i ri me gurë në veriun e Mitrovicës

Mitrovicë, 7 nëntor - Persona të panjohur kanë sulmuar me gurë në pjesën veriore të Mitrovicës shtëpinë e funksionarit të partisë G17 plus, Aleksandar Shpiriqit, gjë që është sulmi i dytë gjatë javës së fundit në prona të funksionarëve të kësaj partie, deklaroi të dielën mbrëma kryetarja e degës së kësaj partie, Danijel Vujiçiq.

Vujiçiq ka vlerësuar për agjencinë Tanjug se sulmi me gurë mbi shtëpinë e nënkryetarit të G 17 plus, që ka ndodhur natën ndërmjet së shtunës e së dielës, si dhe sulmi i paradokohshëm mbi pronën e nënkryetarit tjetër Dimitrije Janiçijeviq, jep porosi të qartë politike se kundërshtarët politikë nuk zgjedhin mjete dhe vende për të frikësuar përfaqësuesit e kësaj partie.
Vujiçiq ka shtuar se G 17 plus insiston te Policia e Kosovës, EULEX-i dhe KFOR-i që të zbardhin këto incidente dhe që autorët tyre të nxirren para drejtësisë.