Serbët e Mitrovicës prapë në protesta

Të punësuarit në gjykatat paralele të veriut të Mitrovicës, kanë protestuar para Gjykatës së Qarkut në pjesën veriore të Mitrovicës, për shkak të paralajmërimit të ardhjes së gjyqtarëve shqiptarë aty.

Ata protestojnë edhe për tentimin që, siç thonë ata, “drejtësia serbe të integrohet në institucionet e Kosovës”.

Beta transmeton se qëllimi i protestuesve është që “t’ua bëjnë me dije Bashkësisë ndërkombëtare se EULEX-i po shkel marrëveshjet e arritura me përfaqësuesit lokalë serbë dhe me Beogradin më 2008”, duke aplikuar ligjet e Kosovës dhe vulat e këtij shteti.

Protesta në veri kanë paralajmëruar edhe punëtorët e të ashtuquajturit sistemit të elektrodistribuimit të Serbisë, meqë EULEX-u ka dërguar një letër të KEK-ut ku kërkohet që punëtorët e Korporatës së Kosovës të shkojnë në veri për ta zgjidhur problemin me mospagesën e energjisë elektrike. /Telegrafi/