Twitter integrohet me Ping

Brenda 48 orëve të para të lansimit, rreth një milion njerëz ishin regjistruar në rrjetin social të kompanisë Apple, Ping, i cili në fokus e mban muzikën.
Megjithatë, një bashkëpunim midis Twitter dhe Apple mund të hapë një rrugë të re për shërbimin e muzikës dhe faqes së njohur për mikro-blogim, të cilat së bashku do të ofrojnë më shumë për përdoruesit e tyre.

Me Ping - shërbimi social që jeton brenda programit iTunes të Apple - tani përdoruesit mund të postojnë linqe me këngë dhe albume në llogaritë e tyre në Twitter.

Kur ju të gjeni një mesazh të tillë në Twitter.com, ju mund të klikoni mbi “cicërimën” e cila vjen nga kjo faqe, dhe aty keni për të parë një lajmërim që tregon detajet në lidhje me atë këngë nga iTunes, së bashku me një buton për të dëgjuar një pjesë të shkurtër të saj.