AAK: Në vitin 2011, punësohen 100 mijë vetë

Aleanca për Ardhmërinë (AAK) ka shpalosur programin e saj ekonomik. Gjatë një konference për shtyp, të enjten, kandidati i kësaj partie për deputet Ramiz Kelmendi, tha se me këtë program brenda vitit 2011 do të punësohen 100 mijë vetë.
Këta të punësuar, sipas Kelmendit, do të janë kryesisht në sektorin e agrobiznesit dhe tekstilit.

Kelmendi, po ashtu, tha se me ardhjen në pushtet të AAK-së do t’i hiqet dogana produkteve bazë si miellit, vajit, etj.

AAK-ja ka nënshkruar edhe një marrëveshje me Unionin Artistik Kombëtar dhe kjo marrëveshje nënkupton një mbështetje më të madhe për mërgatën me qeverisjen Haradinaj.