Mjeksia-Grup
Faliminderit per viziten!

Nese keni deshire qe te i lexoni te gjitha seksionet e forumit ju sygjerojm qe te regjistroheni, seksionet te cilat nuk mund te i leconi pa u regjistruar jane: Prodhime Tona, Libra Shqipë, Libra te huaj, Seminare Mjeksore, Teste te Provimeve etj. Andaj behu pjese e jona, regjistrimi juaj ndihm per dike.

Me rrespekt Saffi i M-G


Www.Mjeksia-Grup.tk
Www.Mjeksia-Grup.com
Www.Mjeksia-Grup.forumotion.com



Mjeksia-Grup


Share | 
 

 Kush duhet bërë synet

Shko poshtë 
AutoriMesazh
dr.FjoollaaH™
WebMaster
WebMaster
avatar

<b>Postime</b> Postime : 9044

MesazhTitulli: Kush duhet bërë synet   Sun Jan 16, 2011 3:04 pm

Kush duhet bërë synet
-Çfarë kuptojmë me synet?

-Organi gjinor mashkullor i urinimit dhe i ndërthurjes përbëhet nga struktura mishtore me kanalin përpërshkues dhe lëkurën mbështjellëse. Në nivelin e qafës ajo shkëputet duke formuar një këllëf të hapur në majën e kokës. Kjo mundëson kalimin e urinës. Pas lindjes brima shkarkuese që formon lëkura në shumicën e rasteve lejon hedhje të urinës si çurk në distancë. Një konstatim i tillë mund të bëhet me sy të lirë zakonisht pas zgjimit gjatë fërkimit të barkut, pas larjes etj. Ky moment i jep foshnjës një kënaqësi normalisht, por në një pjesë të tyre nuk ndodh e njëjta gjë. Këta të fundit qajnë dhe shtrëngohen duke lëshuar me pika të ngadalta që rrëshqasin nëpër organ pa mundur të hidhen as në afërsi dhe jo më në distancë ujët e hollë, si pasojë e ngushtimit të kanalit prej lëkure. Kjo gjendje mund të pasohet me mahisje të vijave të kalimit të urinës ( të kanalit nën fshikë, të fshikës, të kanaleve që shkarkojnë veshkat në fshikë dhe të vetë veshkave), me zgjerim të tyre, me kthim të urinës mbrapsh, me gurëformim dhe me degradim të veshkave. Në këto raste masazhi i lëkurës "kapuçore", që mbulon kokën e organit gjinor mashkullor të urinimit nga maja e kokës në qafë dhe anasjelltas, disa herë dita për disa javë rresht , pa shkaktuar lëndim, mund të jetë një zgjidhje e përkohëshme. Ndërhyrja kirurgjike e mëvonëshme do të jetë një zgjidhje për rastin dhe dobiprurëse në përgjithësi kur bëhet në meshkuj sa më herët. Ndërhyrja mund të jetë detyruar edhe nga kushte të tjera të mahisjes së përsëritur të sipërfaqes së kokës së organit mashkullor. Prerja rrethore e kapuçit të lëkurës në nivelin e qafës së organit të mësipërm emërtohet synet ose prerje rrethore.

-Nuk ka rrugë tjetër për zgjidhje të problemit?

-Po ka. Një zgjidhje tjetër është një çarje anësore deri në nivelin e shtrëngimit të kokës së organit prej kapuçit të lakurës. Sidoqoftë dobia nuk mund të jetë e njëjtë edhe pse problemi i pengesës së urinimit dhe mahisja lokale mund të parandalohen për të ardhmen. Në gjysmën e parë të shekullit të 20-të e tutje, në vendin tonë, prerjen rrethore të kapuçit të lëkurës së organit gjinor mashkullor në masë të gjerë e bënin berberët. Ata me një shkop të shkurtër dhe me gërshërë në dorë endeshin nëpër lagje dhe fshatra për të bërë synet fëmijët e vegjël. Ngjarja festohej si një dasmë e vogël ku të pranishëm në gëzim ishin të afërmit, miqtë dhe shokët. Sigurisht që kjo metodë primitive mbarte rreziqe të mëdha krahas dobisë. Megjithatë futja në traditë nuk mund të mos shpërfillte të këqiat. Më pas "gërshërën" e berberit e mori në dorë doktori. Veprimi kirurgjik i kryer nëpër spitale mundësoi lehtësira për personin, që bëhej synet dhe eliminoi ndërlikimet prej infeksioneve mikrobike. Në këtë periudhë të prerjes rrethore në spitale, numri i të operuarve u pakësua. Një pjesë filluan ta shihnin si një rit fetar përderisa kryhej në masë prej myslimanëve. Në fillimin e viteve '70 të shekullit që lamë pas prerja rrethore (bërja synet) nisi të kryhej në masë edhe në perëndim tek popullsia krishtere qysh pas lindjes. Në vitët '80 po të shekullit të 20-të, prerja rrethore u konsiderua edhe më dobiprurëse se më parë. Tashmë po merr një rëndësi edhe më të madhe pasi rezultatet e studimeve në personat e operuar përbëjnë sihariq jo të vogël në mjekësi.

-Cilat janë dobitë dhe ndërlikimet e mundëshme të prerjes rrethore(bërjes synet)?

-Kryerja e prerjes rrethore të kapuçit prej lëkure të kokës së organit gjinor mashkullor ka dobi jo vetëm në personat me çrregullimet e lartpermendura, porn ë çdo person pa kufizim. Ngrohtësia dhe lagështia që krijon kapuçi i lëkurës përbën një kusht mjaft të përshtatshëm për "kultivimin" e virusit të papilomës njerëzore( VPNj ose HPV) dhe të tjerë të cilët mbartin rrezikshmëri për jetën, pasi provokojnë shfaqjen e kancerit etj. Prerja rrethore ka reduktuar 50-60 % të numrit të personave të mundshëm për t'u infektuar me virusin e imunodifiçitit njerëzor, kur ndërthurja kryhet midis personave me gjini të ndryshme(femër me mashkull). Mbetja e jargëzimeve brenda kapuçit mund të shërbejnë si rezervuar i mikrobit dhe i viruseve. Pavarësisht se disa mund të mbledhin supet dhe të rrudhin ballin kur flitet për këto rezultate të raportuara në meshkujt e bërë synet, studimi parallel nga shkencëtarë seriozë e ka konfirmuar saktësinë dhe dobinë. Dobia është përfituar edhe ndaj sëmundjeve të tjera si fërnjuzi, flluskat e thjeshta etj., që trasmentohen gjatë ndërthurjes gjinore. Kryerja e prerjes rrethore të kapuçit prej lëkure të organit të jashtëm mashkullor, e kryer në foshnja ka më pak ndërlikime se në të rriturit. Ndër to më të mundëshme janë dëmtimet e kokës, tkurrjet e lëkurës, çrregullimet e tendosjes etj. Në përgjithësi këto lidhen me paaftësinë e operuesit, infeksionet etj.

_______________________
L.VETEVENDOSJE!
Feja e Shqiptarit është Shqiptaria
Mbrapsht në krye Shko poshtë
http://www.mjeksia-grup.tk
indira kruja
Anëtarë i MG
Anëtarë i MG
avatar

<b>Postime</b> Postime : 53

MesazhTitulli: Re: Kush duhet bërë synet   Sun Apr 24, 2011 8:42 am

thuhet qe ne arabine saudite edhe femrat behen synet.a eshtee evertete
Mbrapsht në krye Shko poshtë
http://monellavagabonda64@yahoo.com
dr.FjoollaaH™
WebMaster
WebMaster
avatar

<b>Postime</b> Postime : 9044

MesazhTitulli: Re: Kush duhet bërë synet   Sun Apr 24, 2011 8:46 am

indira kruja shkruajti:
thuhet qe ne arabine saudite edhe femrat behen synet.a eshtee evertete

nuk me ka ra rasti me degju per kete qe po thoni ju
pom vika qudi
po duhka me i fillu kerkimet per tju treguar se a eshte e vertet a po jo

Me respekt
F.G™

_______________________
L.VETEVENDOSJE!
Feja e Shqiptarit është Shqiptaria
Mbrapsht në krye Shko poshtë
http://www.mjeksia-grup.tk
Sponsored content




MesazhTitulli: Re: Kush duhet bërë synet   

Mbrapsht në krye Shko poshtë
 
Kush duhet bërë synet
Mbrapsht në krye 
Faqja 1 e 1
 Similar topics
-
» Spiunet Tane! Kush Jane?
» Kush e vrau 2 PAC-un.??
» Qyteti legjendar që nuk dihet nga kush është krijuar
» Burdushi e din se kush e ka rrëmbyer avionin e Malaysia Airlines
» Vetëvrasja

Drejtat e ktij Forumit:Ju nuk mund ti përgjigjeni temave të këtij forumi
Mjeksia-Grup :: Kendi i Lajmeve :: Tema e Javës-
Kërce tek: