Deri në orën 12:00 kanë votuar 8.72 %

Në bazë të të dhënave të koalicionit të organizatave joqeveritar Demokracia në Veprim, deri në orën 12:00 të drejtën për të hedhur votën e tyre në rivotimin në Mitrovicë e kanë shfrytëzuar 7.572 qytetarë apo 8.72 për qind.

Demokracia në Veprim është duke vazhduar monitorimin e procesit të rivotimit në Komunën e Mitrovicës me rreth 130 vëzhgues statikë dhe 20 vëzhgues mobilë. Sipas të dhënave të ofruara nga vëzhguesit nga terreni, gjatë procesit të votimit janë disa parregullsi. Në fshatin Bairë në vendvotimin 1104/01R është evidentuar një rast i votimit të dyfishtë. Po ashtu raste të votimit të dyfishtë janë evidentuar edhe në tri (3) raste në vendvotimin 1104b/07R.

Sipas drejtuesve të Demokracisë në Veprim janë regjistruar shtatë raste kur një person ka asistuar më shumë se një votues.

“Në vendvotimin 1117/01R, policia është detyruar që të intervenoj për të larguar nga korridoret e qendrës së votimit disa persona të paautorizuar. Në vendvotimin 1105b/05R janë identifikuar dy raste të votimit të hapur. Në përgjithësi në nivel të komunës janë regjistruar mbi 50 raste të votimeve familjare”, thuhet në një njoftim të Demokracisë në Veprim