Në Maqedoni do të formohet lëvizja “Vetëvendosje!”

Shkup, 13 mars - Lëvizja e pagëzuar “Vetëvendosje!” sikur e Albin Kurtit së shpejti pritet të zyrtarizohet edhe në Maqedoni, një iniciativë që vjen nga Këshilli i Organizatave Shqiptare. Përfaqësues të KOSH deklaruan për agjencinë INA se së shpejti themelohet lëvizja, por nuk jepen detaje se a do të jetë ajo degë e lëvizjes që drejtohet nga Albin Kurti, apo ndonjë organizëm i veçantë në Maqedoni. “Degradimi i faktorit politik shqiptar deri në nihilizëm, po i detyron forcat e shëndosha shqiptare të organizohen dhe të veprojnë në mënyrë jashtë institucionale, në një lëvizje, që do të quhet Lëvizja ‘Vetëvendosje!’, theksojnë nga KOSH, e cila përbëhet nga rreth 40 organizata joqeveritare .