Japonia kërkon ndihmën e agjencisë bërthamore të KB

Tokio, 14 mars - Japonia ka kërkuar ekspertë nga Agjencia Ndërkombëtare për Energji Bërthamore që t'i ndihmojnë t'ia dalë mbanë me dëmin e shkaktuar nga tërmeti në centralin Fukushima, raporton REL.
Jukija Amano, shefi i agjencisë me seli në Vjenë, tha se agjencia dhe qeveria në Tokio po diskutojnë dërgimin e ekspertëve në Japoni.
Nga shpërthimi i sotëm në reaktorin e tretë në centralin në Fukushima u lënduan 11 persona.
Mediat japoneze raportojnë se 2 mijë trupa të pajetë u gjetën sot në brigjet e prefekturës Mijagji, që më së shumti u godit nga cunami.
Druhet se nga tërmeti dhe cunami kanë vdekur afro 10 mijë vetë.