Dita që i hapi rrugën pavarësisë

Prishtinë, 24 mars - 24 Marsi 1999 ishte ngjarje e madhe historike që i hapi rrugë çlirimit dhe pavarësimit të Kosovës, ka thënë presidenti Behgjet Pacolli në një deklaratë për përvjetorin e sulmeve të NATO-s mbi caqet serbe në Kosovë.

“Me gjithë dhimbjet e mëdha që lufta i shkaktoi Kosovës, kjo ditë simbolizon kthesën e madhe për vendin tonë drejt rrugës së paqes dhe prosperitetit.
Ndërtimi i një shoqërie me vlera demokratike që reflekton stabilitet politik në tërë rajonin është falënderimi i ynë më i madh për SHBA-në, për shtetet e BE-së dhe miqtë tonë të tjerë ndërkombëtarë, të cilët përkrahen Kosovën në rrugën e saj të vështirë drejt lirisë dhe pavarësisë”, thuhet në deklaratën e presidentit Pacolli.