Vetëvendosje fillon procesin e zgjedhjeve të brendshme

Lëvizja Vetëvendosje ka filluar të mërkurën procesin e zgjedhjeve të brendshme, synimi i të cilave u tha se është organizimi i përgjithshëm organizativ e shoqëror drejt realizimit të programit të tyre politik.

Kjo lëvizje theksoi se beson te demokracia e drejtpërdrejtë që buron nga vullneti i lirë i popullit, dhe e cila zbatohet përmes përfshirjes aktive në marrjen e vendimeve në rrafshin politik dhe atë socio-ekonomik.

“Prandaj, Lëvizja Vetëvendosje ka integruar brenda strukturës së saj demokracinë e drejtpërdrejtë si boshtin e kësaj strukture që përcakton jo vetëm zgjedhjet e brendshme të Lëvizjes por edhe zgjidhjet për çështjet e ndryshme problematike në nivel lokal dhe qendror”, thuhet në komunikatë.