Pjesëtari i al-Qaedas, lidhje edhe në Kosovë

Prokurorët gjermanë kanë bërë të ditur se njëri nga të dyshimtit si anëtar të al-Qaedas, që u arrestuan në Gjermani, është urdhëruar nga një përfaqësues i rëndësishëm i këtij grupi që të kryejë sulme në shtetin gjerman, ndërsa lidhjet e tij çojnë edhe në Kosovë.

Zëvendësi i Prokurorit Federal, Rainer Grisbaum iu ka thënë reporterëve në Berlin të shtunën se i dyshimti 29-vjeçar i identifikuar si Abdelakim El-K, ishte urdhëruar nga një pjesëtar i rëndësishëm i Al Qaidas në vitin 2010 që të kryej sulme në Gjermani, raportoi Bild.

Grisbaum ka thënë se i dyshimit kishte nisur që të përgatisë eksplozive për sulmin, por megjithatë një cak ende nuk ishte zgjedhur.

Udhëheqësi i Policisë Federale gjermane, Joerg Zierck ka thënë se Abdelakim El-K ka qenë duke jetuar ilegalisht në Gjermani nga nëntori i vitit 2010 dhe se ka pasur lidhje në Austri, Marok, Kosovë dhe Iran. /Telegrafi/