Kryeministri Thaçi në lumturimin e Gjon Palit të Dytë

Kryeministri Hashim Thaçi është ftuar nga papa Benedikti i XVI që të merr pjesë në ceremoninë e Lumturimit të Papa Gjon Palit të Dytë, që do të mbahet të dielën.

Nëpërmjet një njoftimi, Qeveria bëri të ditur se me ftesën zyrtare të shtetit të Vatikanit, një delegacion i lartë shtetëror i Kosovës do të marrë pjesë në këtë ceremoni.

Delegacioni i Kosovës kryesohet nga kryeministri Thaçi, i shoqëruar nga ministri i Jashtë, Enver Hoxhaj.

Në meshën e së dielës do të marrin pjesë 62 shefa të shteteve dhe qeverive dhe përfaqësues të pesë familjeve mbretërore, ndërsa qindra mijë veta priten të marrin pjesë në këtë ceremoni.

Ndryshe, kjo është vizita e parë shtetërore nga institucionet e Kosovës bërë Vatikanit, pas shpalljes së pavarësisë. /Telegrafi/