Kosova e fundit në rajon për lirinë e mediave

Freedom House e ka vlerësuar lirinë e shtypit në Kosovë si pjesërisht të lirë, me notën 51, nga 53 sa ishte vitin e kaluar.

Në raportin e fundit të Freedom House për lirinë e shtypit, situata në Kosovë është më e rëndë se ajo në vendet e rajonit.

Shqipëria ka marrë notën 50, Maqedonia dhe Bosnjë e Hercegovina notën 48, Mali i Zi 37 dhe Serbia 33, raportoi Evropa e Lirë.

Vendet që vlerësohen nga 0 - 30 shihen si vende me shtyp të lirë, ato që marrin nota nga 31 - 60 klasifikohen në kategorinë e vendeve me shtyp pjesërisht të lirë, kurse në kategorinë e notimit nga 61 - 100 hyjnë vendet me shtyp jo të lirë.

Në tabelën e radhitjes së vendeve të anketuara, Serbia hyn në vendin e 72-të, Mali i Zi në vendin e 80-të, Kroacia 85, Bosnjë e Hercegovina 96, Maqedonia 96, Shqipëria 102, kurse Kosova vendin 104 e ndan së bashku me Argjentinën. /Telegrafi/