Vetëvendosje: Qeveria e Kosovës, qeveri e shpenzimeve

Lëvizja Vetëvendosje akuzoi të mërkurën Qeverinë e Hashim Thaçit për harxhime të panevojshme, duke përmbush kështu sipas tyre vetëm lukset e veta.

Shpend Ahmeti nga kjo parti po ashtu tha se numri kaq i madh i ministrive është krijuar vetëm sa për t’i kënaqur apetitet e njerëzve të koalicionit.

Sipas tij, kjo është jo normale, edhe krahasuar me shtete që kanë numër më të madh të banorëve.

Ahmeti i cili kaloi muaj më parë në Vetëvendosje bashkë me partinë FER, kritikoi sidomos blerjen e veturave të shtrenjta, edhe pse sipas tij gjatë fushatës Hashim Thaçi premtoi ulje të shpenzimeve.

Ai foli edhe për vizitën e Stefanovicit, ku tha se është një ofendim për qytetarët, që një serb të pritet nga institucionet e shtetit kur dihet se çka ka bërë Serbia në Kosovë. /Telegrafi/