Deda inkuadrohet në bisedimet teknike Prishtinë - Beograd

Presidentja e Republikës së Kosovës, Atifete Jahjaga, e ka emëruar këshilltarin e saj kryesor, Ilir Deda, si përfaqësues të saj në ekipin e dialogut teknik të Republikës së Kosovës.

Emërimi është bërë pas kërkesës së udhëheqëses së ekipit të dialogut teknik të Republikës së Kosovës, Edita Tahiri, si dhe në përputhje me Platformën e Qeverisë së Republikës së Kosovës për dialogun teknik ndërshtetëror midis Republikës së Kosovës dhe Republikës së Serbisë.

Përpara se të emërohej këshilltar i presidentes Jahjaga, Deda dha dorëheqje nga Partia Fryma e Re, e cila në zgjedhjet e fundit parlamentare nuk arriti të fitojë kuotën e nevojshme për të hyrë në parlament. /Telegrafi/