Lista prej letre

Aktiviteti politik i Listër “Ibrahim Rugova”, anëtarët e së cilës kanë zënë disa pozita në qeverinë “Thaçi 2”, ka vdekur para disa muajve, pas kohë pas përfundimit të zgjedhjeve parlamentare.

Drejtuesit e kësaj liste duket se kanë arritur qëllimin e themelimit – afrimin me Hashim Thaçin dhe shpërblimin me nga një “copë” pushteti për zhurmën e bërë para dhe gjatë zgjedhjeve, që ishte e përqendruar në sulmimin e LDK-së dhe dëmtimin e AAK-së, shkruan Zëri.

Me vetëm një ulëse në Kuvend, lista ka arritur që në Qeveri ta ketë postin e zëvendëskryeministrit, një ministër dhe tre zëvendësministra.

Ndërsa, deputeti i vetëm i këtij subjekti politik, Ukë Rugova asnjëherë nuk ka treguar se “di të flasë” në Kuvend. /Telegrafi/