Zvicra tërheq zv/ambasadorin?

Zëvendësambasadorin e Zvicrës në Kosovë 30 euro e çojnë në shtëpi. Departamenti i Punëve të Jashtme ka vendosur që ta thërrasë në Bernë diplomatin, duke e tërhequr nga Prishtina.

EDA ka njoftuar se këtë veprim e ka bërë duke pasur parasysh se përmes rastit të ndodhur është shkaktuar dëmtim imazhi, raporton portali 20min.ch

Gjithashtu njoftohet se Policia e Kosovës nuk e ka hetuar fare rastin dhe nuk do të ndërmarrë asnjë masë kundër diplomatit, pasi që nuk është shkaktuar ndonjë vepër e dënueshme.

Numri dy i Zvicrës në Kosovë u kap nga kamerat e sigurisë duke vjedhur në një palestër proteina në vlerë 30 euro. Rasti u publikua në Klan Kosova, e ai i ktheu paratë të nesërmen, kurse tash përfundon misionin në Kosovë, raporton indeksonline. /Telegrafi/