Serwer: Izolimi i Kosovës nxit panshqiptarizmin

Nuk e di sa do të zgjas rruga e Kosovës drejtë BE-së. Por, do të jetë e gjatë dhe e vështirë, që do të kërkojë standarde më të larta për sistemin e drejtësisë dhe për shumë struktura të tjera qeveritare, ka thënë analisti amerikan, Daniel Serwer.

Vendet në rajon kanë përfituar nga liberalizimi i vizave, me përjashtim të Kosovës. Serwer thotë se kjo gjendje duhet të ndryshojë.

“Kosova duhet ta marrë një plan të heqjes së vizave, nëpërmjet të cilit sa më parë do të arrihet te liberalizimi i vizave, me kusht që institucionet e Kosovës t’i përmbushin kërkesat”, ka thënë Serwer në një intervistë për “Kosova Sot”, për të shtuar se gjithçka tjetër do të dekurajonte ndjenjën proevropiane në Kosovë dhe do ta inkurajonte panshqiptarizmin.

“Këtë nuk do të preferoja ta shihja”. /Telegrafi/