Barrikadat vendosen natën, hiqen ditën

Serbet gjatë natës kanë vendosur barrikada në fshatin Rudare duke bllokuat tërësisht magjistralen e cila shpie në pikën kufitare në Jarinje. Barrikadat janë larguar në orët e hershme të mëngjesit.

I ashtuquajturi kryetar i Zveçanit, Dragisha Millovic ka theksuar se banorët serbë me vetiniciative e kanë vendosur këtë barrikadë në Rudare të frikësuar nga intervenimi i mundshëm ROSU, shkruan Koha Ditore.

Po ashtu burime të gazetës njoftojnë se grupet kriminale serbe kanë ruajtur edhe trafon kryesore për veriun e Kosovës e cila gjendet në fshatin Zhytkofcë të komunës së Zveçanit.

Sipas burimeve ruajtja e trafos është bërë nga frika se KFOR-i do të marrë nënë kontroll këtë trafo. /Telegrafi/