Vendosen marrëdhëniet diplomatike me Andorrën

Republika e Kosovës dhe Principata e Andorrës vendosen të mërkurën marrëdhënie diplomatike. Vendosja e marrëdhënieve diplomatike, pason njohjen e Kosovës nga Andorra tre muaj më parë.

Në emër të dy vendeve, ambasadori i Republikës së Kosovës, Ilir Dugolli dhe ambasadorja e Principatës së Andorrës, Ev Descarrega, nënshkruar në Bruksel Protokollin për Vendosje të Marrëdhënieve Diplomatike ndërmjet dy vendeve.

Krahas vendosjes së marrëdhënieve diplomatike, përmes protokollit të nënshkruar, dy ambasadorët shprehën aspiratën e forcimit të mëtejmë të marrëdhënieve miqësore ndërmjet dy vendeve dhe të bashkëpunimit në fushën politike, ekonomike e kulturore. /Telegrafi/