Apple fton zhvilluesit të krijojnë aplikacione për iPhone 4

Kompania Apple ka filluar tu dërgojë emaila zhvilluesve të aplikacioneve të iPhone, për t’i thënë atyre se ata janë të interesuar të pranojnë aplikacione kompatibile për sistemin më të ri operativ për iPhone, iOS 4.
Me këtë ftesë që kompania ua bën zhvilluesve, ajo dëshiron të sigurohet që App Store të jetë plotë me aplikacione të reja para datës zyrtare të lansimit të iPhone 4, të cilat gjithsesi duhet të përputhen me funksionin e “multi-tasking” të cilin e mundëson iOS4.

Në anën tjetër, Pocket-Lint thotë se lidhur me iPhone 4, do të ketë vonesa të shumta sa i përket aplikacioneve të zhvilluara nga palët e treta.

Mirëpo, lidhur me aplikacionet e reja me ‘multi-tasking”, Apple ka thënë: “në testimet tona fillestare, vetëm aplikacionet e prodhuara nga Apple, të tillat si Clock, Mail dhe Safari do të kenë mundësinë e multi-tasking. Kjo është e tëra.”

Pikërisht për këtë, Apple është duke u ngutur, dhe njëkohësisht ka kërkuar nga zhvilluesit që të fillojnë të krijojnë aplikacione për modelin e ri të iPhone.