“LDK-Ibrahim Rugova” në drekë me Daut Haradinajn

Prishtinë, 4 nëntor - AAK-ja është duke parë mundësinë që në radhët e veta të sjellë të gjithë ata që janë të interesuar të garojnë bashkë me këtë parti në zgjedhjet e 12 dhjetorit. Për të biseduar për këtë kanë drekuar bashkë Daut Haradinaj e përfaqësues të listës të sapoformuar “LDK-Ibrahim Rugova”. Koalicioni i dikurshëm AAK-LDK duket se ka afruar edhe më shumë partinë e Ramush Haradinajt dhe fraksionin e sapoformuar të LDK-së, në krye me Ukë Rugovën e Bujar Bukoshin.
AAK-ja ka bërë gjatë ditës bashkimin e parë për këto zgjedhje, duke marrë në radhët e veta Bashkimin Demokratik të Prizrenit me kryetar Zafir Berishën.